หมาในมหาวิทยาลัย
คุณจะเลือกชื่นชมสัตว์ชนิดใดระหว่างสุนัขจรจัดที่ยืนตรงและเห่าหอนเวลาได้ยินเสียงเพลงชาติและกระรอกตัวน้อยที่มีอิสระจากเสียงเพลงปลุกใจ เรื่องสั้น “หมาในมหาวิทยาลัย” ชายคาเรื่องสั้นชวนตั้งคำถาม
หมอลำแบงค์ ปฏิภาณ ลือชา เรื่อง
หมายเหตุ: กลอนลำนี้แสดงระหว่างการทำกิจกรรม มข.พอกัน ณ ลานข้างหอศิลป์ บึงสีฐาน ม.ขอนแก่น เมื่อวันที่ 26 กุมภาพันธ์ที่ผ่านมา
ล่ะจั่งว่า เปิดผ้าม่านกั้ง
แจ้งสว่าง สีใสๆ ว่าโอ่น้อ… ประชาธิปไตย
มันถืกโจรน้อมาปล้น ถืกโจรน้อมาปล้น
โอ้ยเด้น้อ พ.ศ. นี้ มีเหตุการณ์แปลเปลี่ยนๆ
มันหากเวียนปั่น ปี้นผีฮ้ายออกมา
มันเข่นฆ่าประชาธิปไตย
หนีจาก ไทยแลนด์เฮาได้ทุกข์จนข้นแค้น
อย่าเลย อย่าได้โง่เขลา
ถ้าหากหูเบา เข้าทางมันจริงๆ
เผด็จการตั๋วหลอกกลอกกลิ้ง
ไม่มีความจริงวาจาลวงๆ
ทำเป็นมาหยอดคำหวาน
ว่ารัฐประหารพาบ้านเมืองเจริญ
แท้จริง มันยิ่งล่วงเกิน
เห็นประชาชนไร้ค่าไร้คุณ
วุ่นไปหน้า แก่ปืนออกมา รถถังคันใหญ่
พ่อแม่เอ้ย… เฮ็ดให้เฮาตกใจ ผ่องกลัว เกรงย่าน
อย่าเด้อท่าน… อย่าได้ไปหลงเชื่อ
มันมอมเมาเฮาแท้ พากันแก้อย่ากลัว
คันเมามั่วมีส่วนเถิงตาย
บ้านเมืองเฮาฉิบหาย หมุ่นทะลายเพม้าง
อย่าวางปล่อยปะละเลยๆ
ถ้าเฮานิ่งเฉย บ้านเมืองแหลกลาญ
เผด็จการมันจะล้างผลาญๆ
ต่อไปลูกหลานเฮาบ่มีที่ยืน
อย่าไว้ใจ ถ้าปล่อยมันไป บ้านเมืองล่มจม
ปิดปากเฮา ทางข้อยและเจ้า
ต้องเว้าความจริง
อย่ากลัวเกรงมันจะข่มเหง
เฮาต้องสู้มัน อนาคตเฮาจะสุขสันต์
ถ้าเฮาล้มมันพวกเผด็จการ
มาเด้อเจ้า มาเอาใจซ่อยๆ
เสรีนำอยู่หน้าเป็นหลักกล้าแห่งชัย
ส่องแสงให้ประชาธิปไตยเฮาไปเถิงฝั่ง
นั่นเด้อคุณ เป็นควมหวังพี่น้องเมือหน้าอยู่เย็น
บ่มีฮ้อนประชาชนยิ่งใหญ่
เอาหัวใจต่อสู้ หาญห่าวอย่ากลัว
ข้อยและเจ้ามาแอนตี้เผด็จการ มาด้วยใจอาจหาญ
อย่ากลัวเกรงย่าน
